Трэба ведаць – сэрца просіць,
Як дзядам, бацькам жылося…
Як сахой даўней аралі,
Як смыком зямлю бярлялі,
Як з сявалкі збожжа-зерне
Рассявалі чорнай жменяй…
Тэба ведаць, што зазналі,
Як на пана працавалі…
Трэба ведаць і пра тое,
Апраналі што? Якое?..
Пятрусь Броўка. «Наш музей»
Школьны краязнаўчы музей Дзяржаўнай установы адукацыі “Аляхновіцкая сярэдняя школа Маладзечанскага раёна” створаны ў 1979 годзе намаганнямі настаўнікаў і вучняў школы.
Профіль музея – краязнаўчы.
Агульная плошча музейнага памяшкання – 50 м.кв. Музей займае адзін пакой.
Колькасць экспанатаў – 179, з іх асноўнага фонду – 137.
Асноўная мэта дзейнасці музея:
- збіраць, зберагаць, вывучаць і прадстаўляць экспазіцыі, якія характарызуюць культуру, побыт, сацыяльныя адносіны і грамадскі лад роднай зямлі з мэтай фарміравання актыўнай грамадзянскай пазіцыі вучняў школы.
Задачы работы музея:
- арганізаваць ажыццяўленне сукупнасці фондавай, асветніцкай, экспазіцыйнай работы школьнага музея, накіраванай на фарміраванне патрыёта і грамадзяніна;
- з мэтай аховы помнікаў гісторыі, культуры і прыроды роднага краю праводзіць культурна-асветніцкую работу сярод вучняў, іх бацькоў, насельніцтва;
- адбіраць формы і метады пошукавай, збіральніцкай, даследчай дзейнасці, накіраванай на выхаванне ў вучняў пачуцця грамадзянскасці і патрыятызму, павагі і беражлівых адносін да роднай культуры.
- даследаваць і захоўваць традыцыі і звычаі роднага краю, увекавечваць памяць асоб, якія ўнеслі вялікі ўклад у развіцце грамадства.
Асноўныя накірункі работы школьнага музея :
- Арганізацыйна-інструктыўна-метадычная дзейнасць:
- прыём экспанатаў;
- вядзенне музейная дакументацыі;
- афармленне музейнай экспазіцыі;
- арганізацыя наведвання музея вучнямі школы і вучнямі іншых школ, бацькамі, гасцямі школы і інш.
- Экскурсійна-прапагандысцкая дзейнасць:
- правядзенне тэматычных экскурсій;
- арганізацыя і правядзенне ўрокаў на базе музея;
- правядзенне класных гадзін на базе музея.
- Ідэалагічная работа:
- правядзенне інфармацыйных гадзін на базе музея;
- правядзенне тэматычных гадзін;
- правядзенне конкурсаў;
- наведванне памятных гістарычных месцаў;
- арганізацыя экскурсіў, паходаў па роднаму краю;
- афармленне стэндаў;
- удзел у Рэспубліканскай акцыі «Жыву ў Беларусі і тым ганаруся!»
Савет музея мае наступную структуру:
- сектар збору, уліку і захавання матэрыялаў;
- сектар экскурсій;
- сектар афармлення экскурсій і выстаў;
- сектар культурна-масавай работы;
- сектар перапіскі.
План работы музея складаецца з наступных раздзелаў: арганізацыйна-метадычная работа (збор і сістэматызацыя дадзеных аб запатрабаваннях выкарыстання матэрыялаў музея на ўроках і пазаўрочны час, распрацоўка тэм, звязаных са зместам музея), фондавая работа (вядзенне ўліковай дакументацыі, рэжым захоўвання экспанатаў, работа па састаўленню каталога экспанатаў, папаўненне экспазіцый экспанатамі), экспазіцыйна-выставачная работа (стварэнне зменных экспазіцый, арганізацыя выстаў, абнаўленне стэндаў), выкарыстанне школьнага музея ў вучэбным працэсе (правядзенне ўрокаў мужнасці, урокаў-экскурсій на прадметах “Гісторыя”,“Чалавек і свет”, “Геаграфія”, “Мая Радзіма Беларусь”, правядзенне гадзін інфармавання), культурна-асветніцкая дзейнасць (арганізацыя экскурсій, правядзенне выхаваўчых мерапрыемстваў, падрыхтоўка матэрыялаў для школьнай газеты , удзел у Тыдні беларускага пісьменства і друку, удзел у акцыях і конкурсах краязнаўчай накіраванасці), пошукавая работа (збор звесткаў аб ветэранах Вялікай Айчыннай вайны, аб гісторыі школы, яе настаўніках і выпускніках, даследванне гісторыі экспанатаў музея).